عرض مشاركة واحدة
قديم 09-20-2018, 08:48 AM   #2
إداري
 
تاريخ التسجيل: Jun 2010
المشاركات: 1,222
افتراضي رد: تزوجت رغم أنف السحرة الفجرة ! ...؟

وهذي أيضا قصة باللهجة المصرية حكتها أحدى الأخوات عن جارتها وصل عمرها 46 ولم تتزوج فالتزمت حسبي الله ونعم الوكيل وكانت المفاجأة تابعوا : ....

تقول الأخت :
أولا دي قصة حقيقية حصلت لجارتي و وأنا استئذنتها انزلها بس بدون ذكر اسمها والله علي ما اقول شهيد هكتبلكم كل الحوار اللي دار بينا ...جارتي عمرها دلوقتي 46 سنة حياتها لحد ما مستقرة بس مشكلتها وسبب احزانها ومتاعبها ان سنها كبر وفرصتها للجواز قلت وده طبعا كان سبب الاحباط واليأس اللي كانت بتعانيه ..في يوم جات تزورنا وانا وهي بنحكي فبقولها عايزين نجوزك علشان نفرح بيكي قعدت تضحكي وقالتلي خلاص بقي كان زمان, في عمري ده اتجوز اللي اتجوز, اتجوز من زمان وبعدين مفيش أمل انا روحت لمشايخ كتيررررر وعملت كل حاجة ممكنة بس مفيش نصيب بتقول كده وهي بصراحة في قمة اليأس يعني خلاص الموضوع ده منتهي قولتلهل متجربي الأستغفار وسورة البقرة باستمرار وهتشوفي الخير قالتلي لا ,مفش في دماغي وخلاص انا كبرت دماغي من الموضوع ده ,فضلت ألح عليها لازم اقنعها تعمل حاجة وتشوف ايه اللي هيحصل ..المهم اتفقت معاها علي اتفاق تلتزم بيه وسهل جداااا بس لازم تكون مقتنعة انها هتعمل كده وان ربنا هيكرمها وميخبش ظنها قولتلها كام قصة حصلت لبنات كانوا بيعانوا من مشاكل في الجواز وهي انها تكثر من قول ***حسبــــــــي الله ونعم الوكيــــــل **** تقولها بقلبها وتستشعر ان امرها كده فوضته لرب العالمين وهو وكيلها وقادر علي تحقيق اللي ببالها ..المهم قالتلي انا هكررها بأعداد كبيرررررررة جداااااا وطول اليوم وفي كل وقت .فضلت حوالي شهـــــرين علي الحال ده .انا بصراحة قلت فب نفسي اكيد كبرت دماغها ومكملتش ..لكن والله العظيم اللي حصل ان بعد الشهرين فوجئت بيها جاتني البيت وبتهلل من الفرحة والسعادة وبتقولي باركيلي انا هتخطب قريب واتقدملي واحد اكبر مني ب 5 سنين .مراته توفاها الله وعنده بنتين متجوزيين صغير ومرتاح ماديا ومحتاج زوجة يكمل معاها باقي حياته ..انا والله شخصيا مكنتش مصدقة ان القصص اللي حكيتها لها كانت سبب ليها انها تتشجع ....ودلوقتي ماشاء الله عايشة حياة جميلة وهادية وكل شوية بتتفسح في كمان ..ومش كده وبس قرروا انهم يكفلوا طفل يتيم علشان يعوضها عن حرمانها من الانجاب ومين يعرف ممكن يكون ربنا شايلها نصيب حلو وتنجب بقدرة ربنا ...يارب اعرف أكون شرحت القصة بشكل كويس ويكون وصلت ليكم .....***.انا عايزة أقول لكل البنوتات اللي معانا في الصفحة وأنا أولكم بلاش نيأس ونخلي ايمانا بربنا كبير
وان ربنا كاتب لكل واحدة نصيب في حد معين اختاره ليها ومش هتتجوز غيره لانه هو
أكيد زيها وبيكملها(جفت الأقلام وطويت الصحف ) والتأخير اختبار من ربنا علشان يشوف صبرنا وعلي نتيجة صبرنا هيكون عطاء ربنا المدهش ..نتقي الله علي قد مانقدر وبلاش ندي اي فرصة للشيطان في استعجال اي علاقات محرمة من باب الصدقات لان كده اكيد ربنا هيأخر اللي بنتمناه ..ما عند الله لايؤخذ الا بطاعته ,منقلقش كل الشئ بالسعي الا النصيب هو عارف بابنا كويس وهيجي هيجي باذن الله واكثر ما بنتمني ...اللهم ارزق جميع بنات المسلمين باالأزواج الصالحين عاجلا غير أجلا ويحقق لكل واحدة اللي بتتمناه
محب الدعوة غير متواجد حالياً   رد مع اقتباس